HDP’yiyên di serokatiya Demîrtaş de bi Sekreterê Giştî yê Konseya Ewropayê (KE) Thorbjørn Jagland re bi qasî 40 deqe hevdîtinek pêk anîn. Di hevdîtinê de Parlamenterê HDP’ê Ertûgrûl Kurkçu, ji nûnerên HDP’ê yên Ewropayê Eyup Dorû û Faîk Yagiz jî amade bûn.
ŞER HAT ROJEVÊ, JI KE BERPIRSYARTÎ HAT XWESTIN
Di hevdîtinê de pêşveçûnên dawî yên li Tirkiye û Kurdistanê, polîtîkayên şer ên AKP’ê hatin rojevê. Hat ragihandin ku heyeta HDP’ê di hevdîtinê de bal kişand ser girîngiya ku saziyên navneteweyî di lêgerîna çareseriya pirsgirêka Kurd de berpirsyartiyê hilgirin.
Demîrtaş ji bo aştiyeke mayînde û bidawîbûna pevçûnan diyar kir ku pêwîst e agirbesteke dualî bilez pêk were. Demîrtaş xwest KE di vê mijarê de ya pêwîst bike.
Di hevdîtinê de êrîşên ku HDP bi wan re rû bi rû tê, dek û dolabên AKP’ê yên ji bo HDP di bin benda ji sedî 10 de bimîne hat ziman.
0 şîrove:
Post a Comment